Loitz, Hans BREV TIL: Gyldenstierne, Mogens FRA: Loitz, Hans (1560-08-05)

Stettin, 5. April August 1560.
Hans Loitz til Mogens Gyldenstjerne.
Han gør Rede for Indkøbet af Kobber og Kugler til Kongen og beder ham betale hans Tjener derfor.

Edler, gestrenger vnd ernuhester, gonstiger herr stadthalter vnnd gutter forderer. E. g. kan jch nechst erpietung meiner allezeitt freundtwilligen diensten hirmitt nicht vorenthalten, das jch zweiuels frey, es werden sich e. g. gönstigklich zuerinnern wissen, was jch kurtz vorschiener zeitt durch den ernuhesten Hanssen Schwaben, heuptmann alhir zu Alten Stettin, an e. g. schriefftlich von wegen des vorkaufften kupffers vnnd kugeln, als das e. g. in nhamen vnnd von wegen der kon. matt, deshalben kleinen vorzugk gedulden möchtenn, vntherthenigklich gesucht vnnd gebetten hab, darauff mir dan hinwiederumb von e. g. keine sonderliche anttwortt geworden. Weill nun die liebeter kupper vorlengst vnd fast der halbe theill vmb ostern ausgelieuertt worden, will jch keinen zweiuell tragen, e. g. werden dem factor, der die lieferung gethaen, die zalung vormöge geschlossenes kauffs zugeordnett haben. Wo nicht, als hab jch hirmitt zeigern meinen diener Elias Schlekern volmechtigen abgefertigett, das er das geltt entpfange vnd an andere örther, wie jch jhm beuholen, verordenen soll. So seindt auch die 40 sch#, vngarische platen vnnd halb kugeln kupffer von meinen bruedern ¹⁾Simon Loitz, se ndfr. Nr. 76 S. 72. zu Dantzigk vorlengst auff Copenhagen geschiffett, vorhoffentlich es werde e. g. nunmehr auch gelieuertt sein. Wo aber nicht, soll vnnd wirtt zeiger mein diener die lieferung thuen vnd darjegen der bharen zalung, nemblich vor jeder sch#. copenhagisch gewicht 34 thaler, vormöge des geschlossenen kauffs von e. g. gewertigk sein. So viell die kugeln s. 68zum geschutz belangett, hab jch in die 50 sch#. bestellett, welche mitt fleis gemacht werden, vnnd seintt albereitt darab in die 20 sch#. gefertigett, welche jch auffs forderlichst nachm Strallsunde schiffen will vnnd die Ordnung geben, das sie von dannen auff meines gnedichsten herren des könniges vnkostenn vnnd gefahr woll ferner werden geschiffett vnnd an e. g. verordnett werden, wie man sich dann des zu nechst in Schliessung des kauffes allenthalbenn vorglichen hatt, nemblich nach der kleinesten zarte formirett zu 5½ thalern vnnd die grösten das sch#, pro 5 thaler, daruon meister Lorentz der buchsengiesser e. g. weitern vnd grunttlichern bericht thuen wirtt. Weill es nun an dem, das jch der kon. maytt. vnterthenigst vnnd auch gantz willigk hirinnen gedienett vnnd meiner person weinigk nutz daran zugewartten, gelangett an e. g. mein freunttlich vnnd dienstlich pitten, dieselbe wollenn hir jnnen ein gonstiger beforderer sein, darmitt obberurter mein diener vor die 50 sch#. kugeln die gelde nebenst den andern vor die kupper bekommen möge, darmitt jch vmb bezalung dieser kugeln nicht wiederumb einen diener hinen schicken möge vnnd fernere vnkostenn treibenn. Solches vmb e. g. als meinen allezeitt gönstigen herren vnnd förderer jederer zeitt höchstes vormuegens zuuordienen bin jch bereitt vnnd willigk. Datum Stettin den 5. augusti anno etc. lx to.

E. g. williger
Hans Loytz.

(Bagpaa: Rester af Seglet, Udskriften og Mogens Gyldenstjernes Paaskrift:)

Dem edlen, gestrengen vnd ernuhesten hern Magnus Guldenstern, ritter, ko r may t zw Denmarckenn stathalder auff Copenhagen vnd erbherren auff Sternholm, meynem besonder gonstigen hern forderer vnd freunde.

Hans Pouelsen skal aname betallyng for tet kober, Steffen Löytzs har sent.