Francke, Sylvester BREV TIL: Gyldenstierne, Mogens FRA: Francke, Sylvester (1565-11-24)

Lübeck, 24. November 1565. Silvester Francke til Mogens Gyldenstjerne.
Han meddeler Prisen og Omkostningerne for en Ladning Trælast, som han har sendt, og beder om Betaling heraf, henviser til sit forrige Brev med Hensyn til Bygningen af det nye Skib; han har forstrakt Kongens Høvedsmand med Penge og beder om ogsaa at faa disse.

Mynenn gantzwilligenn vnnd flitigende dennsth nheuenn wunsching gottlicher gnade vnnd aller geluckseliger tidttlicher vnnd ewiger woluartt thouorenn. Erbar, gestrenger her, her Manus, jck kann juwer strengicheitt nichtt bargenn, wo dath jck jnn deme namenn Gades geschepett hebbe vth bouell ko. ma. 190 stucke ekenn planckenn, kostett jdtt stues dorch de banck 26 ß, js tho daler — 159 daler 11 ß.

10 dusenth vnnd 200 holtenn nagel, kostett jth dusenth 3 m. 12 ß erstes kopes, js tho dalernn 19 daler 11 ß Vngeltt by de Trauenn myth denn wagenn tho forenn 1½ daler l½ ß vnnd denn arbeids ludenn geuenn j daler j ß, de holtenn nagel vnnd ekenn planckenn jnn denn pram brachtenn. Jtem twe pram, ßo jdtt gudtt vth schipper Arentt Oldenßehe tho Tramunde loßden vnnd tho Lubck brochtenn, vor jder pram 6 m. lubsch, js tho daler gerekentt 6 daler 6 ß.

Noch 1 pram wedder dal nha Tramunde myth denn delenn geuenn jnn gelde 3 daler 3 ß lubsch.

Noch 1 stekelschip ¹⁾D. s. s. Stekelvarerschip, et Skib, der sejler paa Stecknitzkanalen mellem Traven ved Lübeck og Elben. myth delenn nha Tramunde gesanth, dar vor jnn gelde 2 daler 2 ß.

Summa kostenn dusse vorbonomdenn ekenn delenn vnnd holtenn nageli myth aller vnkosten 186 dalers 14 ß lubsch. Noch dath pram gellt js 6 dalers 6 § lubsch. Summa js jnn alles 192 daler 20 ß lubsch. Js der haluenn mynn arme bede ahnn juw strengicheitt van wegenn ko. ma. s. 750ßodane vorschaten geltt myth dem erstenn my thonn handenn vp Lubck auer makenn; denn juwer strengicheitt kone gedenckenn, dath my vele nutte wartt tho bohoff buwens des scepes. Jck hebbe juwer strengicheit jnn denn vorigenn breuen ¹⁾Af 20. Novbr., ovfr. Nr. 606. van alles boschett geschreuenn des scepes gelegenheit, ßo jck nhu buwe, de grote vnnd lengte vnnd alle mynn nottrofftt, ßo jck van nodenn hebbe. Ock hebbe jck van wegenn ko. ma. Mychell vann Swicke, ko. ma. hobttmann, vorgestreckett 50 daler tho bohoff der knechte, szo he ko. ma. ahnn genamenn hefftt; bidde der haluenn juwer strengicheit vann ohme ßodane 50 daler wedder fordern vnnd my ße boneffenn deme anderenn gelde mede auer makenn. Dar jck ohnn juwer strengicheit nichtt ohnn twyuell nichtt nha blyuenn wartt. Jck hadde gerne mer delenn gekofftt, auerst se synth so dur, dath jck nichtt mer kopenn dorste. Jck wett juwer strengicheit nichtt mer bosunderges, denn allenne wil juw deme almechtygenn Gode jnn langer gesuntheit bouelenn etc. Jlich jnn Lubck denn 24. nouember anno 65.

Siluester Francke

j. g. d.

(Bagpaa: Seglet, Udskriften og Mogens Gyldenstjernes Paaskrift:)

Dem erbarenn vnnd ernfestenn gestrengenn hernn her Manus Guldensternn, stadttholder vp Kopenhagenn slodtt, mynem gunstigenn hernn vnnd frunde, dennstlich geschreuenn.

Anamet fra Sylwester Francke 4. december 65. Er scryffuet 24. nouember.