IN JUBILÆUM DANICUM

✂ In
Clarissimi et Doctissimi Viri
Cunradi Aslaci,
S.S. Theologiæ Doctoris
et in alma Academia Hafniensi, Rectoris Magnifici
Jubilæum Danicum
et centenarii elapsi Chronologiam.

✂ Quid sanctam resonare Chelin? quid jubila? laudes?
Quid tot concentus, dulcisque tripudia plausus,
Audiam? et in dubijs Danicam gaudere periclis
Ecclesiam, sponso referentem pectore Christo?
Quas potis es, unquam, Domino persolvere grates?
Huc ades; ASLACUS calamo tibi cuncta diserto
Exprimit et pariter quô possis digna referre,
Vota, ac ardenti conjungere pectore laudes;

✂ Centenos numerat Christi benefacta per annos
Quæ sponsæ, populo, quæ doctis dona Lyceis,
Quæ Danis, Cimbris, Gothis Baltisque Fionis
Germanis, Noricis, sparsisque in æquore terris
Præstitit; exacta distinguens tempora lance.

✂ Inspice pervigili perlustrans singula mente,
Invenies pieno referentem plurima cornu,
Quæ c_ptis studiis conjungent utile dulci,
quæque juvent vitæ Cunctos meminisse per annos,
Ut valeas Domini laudes resonare, valeto.

✂ Claudius Christophori Pastor verbi Divini in Herfolle et Regius historicus.