↩
Ge-witon him þá wígend
wíca neósian,
freóndum be-feallen,
Frysland geseón,
hámas and heá-burh;
Hengest þá gyt
wæl-fægne winter*wæl-fágne. K.
40wunode mid
Finnel unhlitine*2250-51 wunode mid him, Finnes unhlisne. G.
eard gemunde,
þeáh þe he [ne] meahte*[ne]. G.
on mere drífan
hringed-stefnan,
(holm storme weól
won wið winde,
winter ýðe beleác
ís-gebinde,)
óðþæt óðer com
geár in geardas,
swá nú gyt déð,
þá þe syngales
séle bewitiað*sóle (=sunne) bewitigað. G.
wuldor-torhtan weder,
(þá wæs winter scacen,)
fæger foldan bearm;
fundode wrecca
gist of geardum.
He tó gyrn ⓘ
wræce
swíðor þohte
þonne tó sǽ-láde,
gif he torn-gemót*torn-gemót. A. B. torn-gemód. G.
þurh-teón mihte,
þæt he Eotena bearn*þǽt hyt. G. Eotena. A. B.
inne gemunde,
swá he ne for-wyrnde*for. A. B.
worold-rǽdenne,
þonne him Húnláfing
hilde-leóman,
billa sélest,
*sélest. A. B.
on bearm dyde,*bearhtm. G.
þæs wǽron mid Eotenum
*Eotenum. A. B.
ecge cúðe,
swylce ferhð-frecan.
Fin eft be-geat
sweord bealo slíðen,*bealo-slíð. G.
æt his selfes hám,
siððan grimne gripe*grimme. G.
Gúðláf and Osláf,
æfter sǽ-síðe,
sorge mǽndon,
æt-witon weána dǽl;
ne meahte wæfre-mód
for-habban in hreðre;
þá wæs heal hroden
feónda feorum,
swilce Fin slægen,
cyning on corðre,
and seó cwén numen;
sceótend Scyldinga
tó scypon feredon,
eal in-gesteald
eorð-cyninges,*eard-cyninges. G.
swylce híe æt Finnes-hám
findan meahton
sigla searo-gimma;
híe on sǽ-láde
drihtlíce wíf
tó Denum feredon
lǽddon tó leódum.*tó leódum. A. B.
41Leóð wæs ásungen
gleó-mannes gyd,*mannes. A. B.
gamen eft ástáh,
beorhtode benc-swég,
byrelas sealdon
wín of wunder-fatum.
Þá cwom Wealhþeó forðgán,
under gyldnum beáge,
þǽr þá gódan twegen
sǽton suhter-gefæderan;
þá gyt wæs hiera sib ætgædere,
ǽghwylc óðrum trýwe;
swylce þǽr Húnferð þyle
æt fótum sæt freán Scyldinga,
gehwylc hiora his ferhðe treówde,
þæt he hæfde mód micel,
þeáh þe he his mágum nǽre
árfæst æt ecga gelácum.
Spræc þá ides Scyldinga:
“On-fóh þissum fulle,
freó-drihten mín,
sinces brytta,
þú on sǽlum wes,
gold-wine gumena,
and tó Geátum spræc
mildum wordum,
(swá sceal man dón)
beó wið Geátas glæd,
geofena gemyndig,
neán and feorran;
þú nú hafast*þú ge-fæsted hafast. G.
me man sægde,*swá me. G.
þæt þú þe for sunu wolde
Hereríc habban.
Heorot is gefǽlsod
beáh-sele beorhta,
brúc þenden þú móte
manigra medo,
*medo. A. B.
and þínum magum lǽf
folc and ríce,
þonne þú forð scyle
metodsceaft seón;
ic mínne can
glædne Hróðulf,
þæt he þá geógoðe wile*geógoðe. A. B.
árum healdan,
gyf þú ǽr þonne he,
wine Scildinga,
worold oflǽtest;
wéne ic þæt he mid góde
gyldan wille
uncran eaferan,
gif he þæt eal gemon,
hwæt wit tó willan
and tó worð-myndum,
umbor wesendum ǽr,*umb (=ymb) or. G.
árna gefremedon.”
Hwearf þá bí bence,
þǽr hyre byre wǽron,
Hréðríc and Hróðmund
42and hæleða bearn,
giógoð æt-gædere,
þǽr se góda sæt,
Beówulf Geáta,
be þǽm ge-bróðrum twǽm.