XIII.
✂
Nolde eorla hleó
ǽnige þinga,
þone cwealm-cuman
cwicne for-lǽtan;
ne his líf-dagas
leóda ǽnigum
nytte tealde;
þǽr genehost brægd
eorl Beówulfes*eórd (eóred). G.
ealde láfe,
wolde freá-drihtnes
feorh ealgian,
mǽres þeódnes,
þǽr híe meahton swá;
híe þæt ne wiston
þá híe ge-win drugon,
heard-hicgende
hilde-mecgas,
and on healfa ge-hwone
heáwan þohton,
sáwle sécan,
þone syn-scaðan,*þæt þone. G.
ǽnig ofer eorðan
írenna cyst,
gúð-billa nán,
grétan nolde,
ac he sige-wǽpnum
for-sworen hæfde,*for-sworen. A. B. for-spocen? G.
ecga gehwylcre;
scolde his aldor-gedál,
on þǽm dæge
þysses lífes,
earmlíc wurðan,
and se ellor-gást
on féonda geweald
feor síðian.
Þá þæt on-funde,
se þe fela ǽror,
módes myrðe,
manna cynne,
fyrene ge-fremede,
(he fág wið God)*he wæs fág. Th.
þæt him se líc-homa
lǽstan nolde;
ac hine se módega
mǽg Higeláces
hæfde be honda,
(wæs ge-hwæðer óðrum
lifigende láð,)
líc-sár gebád
átol æglǽca;
him on eaxle wearð
syn-dolh sweotol,
seonowe onsprungon,
burston bán-locan;
Beówulfe wearð
gúð-hréð gyfeðe,
scolde Grendel þonan
feorh-seóc fleón
under fen-hleoðu,
28sécean wyn-leás wíc,
wiste þé geornor,
þæt his aldres wæs
ende gegongen,
dógera dæg-rím.
Denum eallum wearð,
æfter þám wæl-rǽse,
willa gelumpen;
hæfde þá ge-fǽlsod,
se þe ǽr feorran com,
snotor and swýð-ferhð,
sele Hróðgáres,
ge-nered wið níðe,
niht-weorce gefeh,
ellen-mǽrðum;
*mærðum. A.
hæfde Eást-Denum
Geátmecga leód
gilp gelǽsted,
swylce on cýððe
ealle gebétte
*gebétte. A. B.
inwid-sorge,
þe híe ǽr drugon,
and for þreá-nýdum*þreá. A. B.
þolian scoldon,
torn unlytel;
þæt wæs tácen sweotol,
syððan hilde-deór,
hond álegde,
earm and eaxle,
(þǽr wæs eal geador
Grendles grápe)
under geápne hr..*hr .. B. hróf. R.