↩
Gewíteð þonne on-sealman,*on-sealmian. G.
sorh-leóð gæleð
án æfter ánum;
þúhte him eall tó rúm
wongas and wíc-stede,
swá Wedra helm,
æfter Herebealde,
heortan sorge
weallende wæg,
wihte ne meahte
on þám feorh-bonan
fǽhðe gebétan;*fæghðe. M.
nó þý ǽr he þone heaðo-rinc
hatian ne meahte,*hatian meahte. G.
láðum dǽdum,
þeáh him leóf ne wæs.*he him. G.
He þá mid þǽre sorge,*sorhge. M.
þe him sió sár belamp,*þá. Th.
gum-dreám of-geaf,
Godes leóht geceás,
eaferum lǽfde,
(swá déð eádig mon)
lond and leód-byrig,
þá he of lífe gewát.
Þá wæs synn and sacu*wæs. ⓘ
A. B. sín and-sacu. G.
Sweona and Geáta,
ofer wíd wæter*ofer rid wæter. A. wíd. K.
85wróht gemǽne,
here-níð hearda,
*hearda. A. B.
syððan Hréðel swealt;
oððe him Ongenþeówes
eaferan wǽran,*wǽre. G.
frome fyrd-hwate,
freóde ne woldon
ofer heafo healdan,
ac ymb Hreosna-beorh
eatolne inwit-scear*eatolne. A. B.
oft gefremedon:*oft ge gefremedon. M.
þæt mǽg-wine*mǽg. A. B.
míne gewræcan
fǽhðe and fyrene,
swá hyt ge-frǽge wæs,
þeáh þe óðer*óðer hit. Grein.
his ealdre gebohte,
heardan ceápe;
Hǽðcynne wearð,
Geáta dryhtne
gúð onsǽge;
*sǽge. A. B.
þá ic on morgne gefrægn
mǽg óðerne
billes ecgum
on bonan stǽlan;
þǽr Ongenþeów
Eofores niósað;
gúð-helm tó-glád,*niósade. Grein.
gomela Scylfing
hreás blác,*[heoro-] blác. Grein.
hond gemunde
fǽhðo genóge,*fǽhða. G.
feorh-sweng ne ofteáh ...
Ic him þá máðmas,
þe he me sealde,
geald æt gúðe,
swá me gifeðe wæs,
leóhtan sweorde,
he me lond forgeaf
eard éðel-wyn;*wyn. A. B.
næs him ǽnig þearf
þæt he tó Gifðum,
oððe tó Gár-Denum,
oððe in Swioríce,
sécean þurfe
wyrsan wíg-frecan,*wyrsan. A.
weorðe gecýpan;
symle ic him on féðan*symle. A. B.
be-foran wolde,
ána on orde,
and swá tó aldre sceall,
sæcce fremman,
þenden þis sweord þolað,
þæt mec ǽr and síð
oft gelǽste,
syððan ic for dugeðum
Dæghrefne wearð
tó hand-bonan,
86Huga cempan;*Húna? G. cempan. A. B.
nealles he þá frætwe*nalles M.
Fres-cyninge,*cyning. M.
breóst-weorðunge,
bringan móste,
ac in campe ge-crong*cempan. M.
cumbles hyrde,
æðeling on elne;
ne wæs ecg bona,
ac him hilde-gráp
heortan wylmas,
bán-hús ge-bræc;
nú sceall billes ecg,
hond and heard sweord,
ymb hord wígan.”
Beówulf maðelode,
beót-wordum spræc
niéhstan síðe:
“Ic ge-néðde fela
gúða on geógoðe,
gyt ic wylle,
fród folces weard,
fǽhðe sécan,
mǽrðum fremman,
gif mec se mán-sceaða
of eorð-sele
út geséceð;
(ge-grétte þá
gumena gehwylcne,
hwate helm-berend,
hindeman síðe,
swǽse ge-síðas)
nolde ic sweord beran,
wǽpen tó wyrme,
gif ic wiste,
hú wið þám aglǽcean*hú ic. G.
elles meahte
gylpe wið-grípan,
swá ic gió wið Grendle dyde,
ac ic þǽr heaðu-fýres
hátes wéne,*hátes. A. B.
reðes and hattres;*oreðes and áttres. Grein.
for þon ic me on-hafu
bord and byrnan;
nelle ic beorges weard
ofer-fleón*fleónne. G.
fótes trem,
ac unc sceal weorðan æt wealle,
swá unc wyrd geteóð,
metod manna gehwæs;
ic eom on móde from,*forht? G.
þæt ic wið þone gúð-flogan
gylp ofer-sitte;*ofer A. B.
ge-bíde ge on beorge,
byrnum werede,
secgas on searwum,
hwæðer sél mǽge,
æfter wæl-rǽse,
wunde ge-dýgan,
87uncer twega!
Nis þæt eówer síð,
né ge-met mannes
nefne mín ánes,
þæt he wið aglǽcean*wat he. M.
eofoðo dǽle,
eorlscype efne:
ic mid elne sceall
gold ge-gangan,
oððe gúð nimeð,
feorh-bealu frécne,
freán eówerne.”
Á-rás þá bi ronde
róf oretta,
heard under helme,
hioro-sercean bær
under stán-cleofu;
strengo getrúwode,
ánes mannes ne bið
swylc earges síð.*earh-gesíð? G.
Geseah þá be wealle
se þe worna fela,
gum-cystum gód,
gúða gedígde,
hilde-hlemma
þonne hniton féðan,*hnitan. M.
(stód on stán-bogan)*stodan. M.
streám út þonan
brecan of beorge;
wæs þǽre burnan wælm
heaðo-fýrum hát,
ne meahte horde neáh
unbyrnende,
ǽnige hwíle
deór ge-dýgan,*deop. M.
for dracan lége.
Lét þá of breóstum,
þá he ge-bolgen wæs,
Weder-Geáta leód
word út-faran:
Stearcheort styrmde,
(stefn in-becom
heaðo-torht hlynnan,
under hárne stán);
hete wæs on-hréred,
hord-weard oncniów
mannes reorde;
næs þǽr mára fyrst
freóde tó friclan,
from ǽrest cwom,*fóm (fám)? G.
oruð aglǽcean
út of stáne,
hát hilde-swát;
hruse dynede,
biorn under beorge
bord-rand onswáf
wið þám gryre-gieste,
Geáta dryhten.
Þá wæs hring-bogan
heorte gefýsed
sæcce tó séceanne;
sweord ǽr gebræd
88gód gúð-cyning,
gomele láfe,*gomelra. G.
ecgum un-gláw;*un-sleaw. Th.
ǽghwæðrum wæs,
bealo-hycgendra,
bróga fram óðrum;*bróga. A. B.
stíð-mód ge-stód
wið steápne rond
winia bealdor;*wígena. G.
Þá se wyrm gebeáh
snúde tó-somne,
(he on searwum bád),
gewát þá byrnende
ge-bogen scríðan,
tó ge-scipe scyndan;*tog scipe. M. tó gegn-scote. G.
scyld wel gebearg*scyld-weall. Th.
lífe and líce,
læssan hwíle,
mǽrum þeódne,
þonne his myne sóhte,*þonne. A. B.
þǽr he þý fyrste,*þæt. G.
forman dógore,
wealdan móste,
(swá him wyrd ne gescráf)
hréð æt hilde;
hond up-ábræd
Geáta dryhten,
gryre-fáhne slóh
incgeláfe,*Ingwina láfe? G.
þæt sió ecg gewác,
brún on báne,*brond. G.
bát unswíðor,
þonne his þiód-cyning
þearfe hæfde,
bysigum ge-bǽded.*ge-bæted. G.
Þá wæs beorges weard,
æfter heaðu-swenge,
on hreóum móde,
wearp wæl-fýre,
wíde sprungon
hilde-leóman;
hréð-sigora ne gealp
gold-wine Geáta,
gúð-bill geswác,
nacod æt níðe,*nýde. Th.
swá hyt nó sceolde
íren ǽr-gód.
Ne wæs þæt éðe síð,
þæt se mǽra
maga Ecgþeówes
grund-wong þone
of-gyfan wolde,
sceolde willan*wildan. G.
wíc eardian
elles hwergen;
swá sceal ǽghwylc mon
á-lǽtan lǽn-dagas:*á-lǽdan. G.
Næs þá long tó þon,
þæt þá aglǽcean
hý eft gemétton;
89hyrte hyne hord-weard,
hreðer ǽðme weóll,
niwan stefne;
nearo þrowode,*þrowode. A. B.
fýre be-fongen,
se þe ǽr folce weóld;
nealles him on heápe
hand-gesteallan,*heand. M.
æðelinga bearn,
ymbe-gestódon,
hilde-cystum;
ac hý on holt bugon
ealdre burgan;
hiora in ánum weóll
sefa wið sorgum;
sibb ǽfre ne mæg
wiht on-wendan
þám þe wel þenceð.