Schelhammer, Melchior BREV TIL: Gyldenstierne, Mogens FRA: Schelhammer, Melchior (1554-10-18)

Stettin, 18. Oktober 1554.
Melchior Schelhammer til Mogens Gyldenstierne.

Han formoder, at han har faaet hans Skrivelse om den Ulykke, der er tilstødt dem. Efter Aftale med Jochim Redelstorp er der udlagt til hans Søn for i alt 24 Dlr. Redelstorp har i alt forstrakt dem med 100 Dlr., som han beder Mogens Gyldenstjerne betale. De er samme Dag afreist til Leipzig efter at have boet 14 Dage frit hos Redelstorp i Stettin.

Laus deo semper 1554 adj den 17. octob. aus Stetin.

Meine freundttwillige vnnd pflichtige dienste zuuorn. Gestrenger her, euer vnd al der euern wolfartt von euch zuerfaren jst mir lieb. Lieber her, an zweiffel hatt euer g. vnser schreiben des widerfarnen vnglucks ¹⁾Et røverisk Overfald i Meklenborg. Det her omtalte, tidligere Brev synes tabt., das vns begegnet ist, enttpfangen, vnd wie oder welcherlej gestaltt es sich zugetragen hatt, verstanden. Dieweil sich nu der vnfal solcher gestaltt hatt zugetragen, habe ich neben Jochim Redelstorp andern radtt mussen gebrauchen vnd seinem guttduncken vnd euer abrede nach, die ir mitt ym gethan vnd verlassen habtt, alda von ym an-genomen mitt kost, zerung, furlon vnndtt vnd(!) was solche aufigelegtes geldes von Odense noch Stetin ist gewessen.

Darneben auch hatt her Jochim fur gutth angesehen, das man ym, was nöttörfftig wer von kleidern, alhir zu Stetin machen ließ, welches ich auch fur gutth hab angesehen, vnd ym da gemachtt ist worden, was die nott erfordertt hatt. Thutt zu hauff kost, zerung biß gen Stetin mitt der kleidung 24 daller, welches her Jochim alles ausgelegtt vnd erstreckett hatt. Darauff habe ich von ym begertt, das er mir auff die 24 daller (euerm son zu gutth vndtts. 270 zur nottorfft) solde fultt erstrecken, das es 100 daller ful wurde, welches er von hertzen gern gethan hatt. Weil nu solches euerm befelch vnd begeren nach Jochim Redelstorp solches in der guthe hatt ausgelegtt vnd dar- gestreckett, so will ich euer gestrengheitt zuerkennen haben geben, euere g: werde ym solche 100 daller auff seine forderung vnd schreiben widerumb zu danck bezallen vnd erstatten. Was weitter mitt der zeitt wirtt nottorfftig sein, hab ich mitt Redelstorp seinethalben verlassen, sol ym auch nicht mangel, doch meer nichtt da, als er nottorfftig behuff wirtt haben. Her Jochim wirtt euch einen gedenckzettel zu seinem briffe(l), warfur solche 24 daller seint ausgegeben. Weitther auff dieses mall nichtt mer, dan euer g. sollen sich kunlichen dorauff ver- lassen, das ich mitt Gottes hulff alle ding, wie ir mir zugetrauett habtt, ausrichten vnd bestellenn. Auch seind wir ausgezogen von Stetin nach Leipzigk zu den 18 dag octobris. Zu Stetin haben wir bei Jochim Redelstorp 14 dage lang gelegen, vnd er vns gutten willen bewissen hatt vnd wider heller noch pfenig von vns begertt. Solches alles habe ich euer gestrengkeitt ym besten vnange-zeigt nicht kunnen lassen. Hirmitt euch dem almechtigen Gotth samptt alien den euern g. in seinen schutz vnd scherm befallenn. Dattum Stetin, wie oben stehett etc.

Melchior Schelhammer
euer diener.

(Bagpaa: Seglet og Udskriften:)

Dem gestrengen vnd ernnvhesten Mangnus Guldenstern, ritter vnd hauptman auff Laugholm, meinem gonstigen hern zu eigenen handen.