Worm, Jacob . - [1968]

BIBLIOTHECA POLITICA NOVA,
COLLECTA UTOPIÆ

✂ Ludovici XIV Potentissimi Galliarum Regis solida disputatio sed erronea de qvatuor Monarchiis. Parisiis ex officina Petri Gloriosi ad insigne Alexandri M. in folio.

✂ Christiani V Potentissimi Daniæ Regis tractatus topographicus de situ urbis Hamburgensis dedicatus Auunculo Georgio Vilhelmo Brunsvicensi et Luneburgensi Duci Hafnis ex officina Olai desiderii ad insigne cornucopiæ in folio.

✂ Christinæ Augustissimæ Svecorum Reginæ de obstetricibus tractatus curiosus variisque refertus experimentis. Romæ ex officina ovorum dactyli ad insigne Daphnidis in folio.

✂ Christiani Alberti, ducis Holsatiæ Gotorpiensis, disputatio feudalis, de differentiis novi et antiqvi feudi Respondente Johanne Kilemanno. Sleswici ex typhographia pertinacis increduli ad insigne Themidos cum hac inscriptione. Non putaram.

✂ Domini Petri Retz Cancellarii Regii examen Comitiorum Hafniensium, cum proficuis observationibus Chrysostomi Rudolphi et Philippi Argentorensis, Ejusdem turris Petrina opera Candidatorum Theologiæ extructa Hafnis.

✂ Doctoris Johannis Vandalini Antistitis summi tractatus ingeniosus et proficuus, Ecclesiarum decimas et reditus combinandi, in sedem Episcopalem. Hafnis.

✂ Petri Schavenii pandectæ mendaciorum, ejusdem juramentum naturale et hæreditarium, ejusdem flagitiosæ observationes in familias egenorum.

✂ Christiani Noldii historia passionalis Euangelistæ cujusdam Selandici. Hafnis in folio.

✂ Alberti Schumacheri tractatus de recto Epistemiorum usu ad doliarios Harlemenses. Ejusdem disputatio de Assulis qvadratis et rotundis.